2025·04·01
Idiazabalgo Udalean herriko etxebizitza-politikak zehazten ari gara. Hiru ardatz planteatu ditugu:
- ZE-03 sektorearen (HG) Plan Partziala idazten hastekoak gara (Zepai auzoa eta Estensoro baserriaren artean dauden lurrak).
- VISESArekin harremanetan gaude. VISESA, alokairu erregimenean etxebizitza babestuen promozioan diharduen Eusko Jaurlaritzaren sozietate publikoa da.
- Promotore pribatuekin harremanak lantzen ari gara.
Testuinguru horretan, biztanleriak etxebizitzari dagokionez, dituen behar zehatzak ezagutu nahi ditugu. Inkesta honen helburua etxebizitza aldatzeko, birgaitzeko edo etxebizitza bat eskuratzeko dagoen eskari potentziala ezagutzea da. Inkesta, Ikei enpresaren laguntza teknikoarekin egingo da. Apirilaren 1etik 16ra Baliteke zure etxean gai honi buruzko galdeketa bat egiteko dei bat jasotzea.
Bestalde, norbere kabuz inkesta betetzeko aukera izango da azpiko estekan, edo nahiago baduzu udaletxean bertan paperean jaso dezakezu. Idiazabaldarroi parte hartzeko eskatzen dizuegu. Zuen ekarpenen bidez, etxebizitza politika eraginkorrago bat martxan jartzeko aukera izango dugu. Aldez aurretik, eskerrik asko zure lankidetzagatik eta inplikazioagatik.
.jpg/197e2c79-8a93-d969-d4af-eee4d3aabbf7)
